Miambena hianareo, tomoera tsara amin’ny finoana, aoka hitomban-dahy, mahereza. Izay rehetra ataonareo dia ataovy amin’ny fitiavana.

I Kor 16:13-14

Ry rahavavy,

Faly miarahaba antsika amin’ny anaran’I Jesosy Kristy Tompontsika.
Toy izao indray àry ny fandaharam-potoana iarahantsika amin’ny fotoanan’ny sampana raha sitrapon’Andriamanitra :

• Fiderana isam-paritra izany hoe: mifidy hira iray iarahana isika ao amin’ny faritra afaka miaraka ka
  samy manao ny FITAFY SY DIHY fanao isam-paritra ny tsirairay. Tsy ferana ny isam-piangonana fa arindrantsika rehefa tonga ny fotoana.
• Entanina koa isika izay manana FAHAIZA-MANAO toy ny TAO-ZAVATRA isan-karazany mba
  hitondra ny asan-tanana vitantsika fa misy ny VAROTRA FAMPIRANTIANA mandritry ny fotoam-pivoriana.
• Fandrahoana sakafo: IANAO izay manana fanomezam-pahasoavana MITARIKA VONDRONA
  amin’ny FANDRAHOANA SAKAFO ary afaka manolo-tanana ho fiaraha-miasa amin’ny any an-toerana dia alefaso amin’ity FINDAY ity ny ANARANAO SY NY FIANGONANAO tel: 033 32 330 78 “ Mme Mamisoa”

Izany rehetra izany no natao dia ho fiara-mientana sy ho voninahitr’Andriamanitra irery ihany koa alao hery ry rahavavy malala.
Izay aloha no vaovao azo nambara fa mirary ny fahasoavan’ny Tompo ho amintsika.