Inona ny SBBI ?

Fanofanana manatona ireo fiangonana

• Natsangana araka ny drafi-panofanana lasitra (Plan directeur de formation) eo anivon’ny F.F.B.B.M.
• Fihitaran’ny asan’ny Seminera Batista Biblika eto Madagasikara.
• Rafitra nisolo ny ‘formation continue’ nanomboka tamin’ny 2009.

Antom-pisian’ny SBBI

• Ho fampitaovana ireo kristiana efa manompo eo anivon’ny fiangonana.
• Vitsy dia vitsy no afaka nanovo fanofanana tao amin’ny Seminera Antsirabe (formation continue). Noho izany dia natao manatona ireo fiangonana ny fanofanana.

Vinan’ny SBBI

Hanofana ireo rehetra manana anjara amin’ny fizarana ny Tenin’Andriamanitra eo anivon’ny fiangonana (mpampianatra ankizy, mpampianatra zatovo sy tanora, sampana vehivavy, misionera,  evanjelistra, mpitandrina, …) mba hanana :

• fahalalàna ara-Baiboly mafy orina sy
• toe-panahy araka an’Andriamanitra voasedra ary
• fahaiza-mandanjalanja matsilo eo anivon’ny fiaraha-monina misy azy.

Ny SBBI eto Madagasikara sy isan’ireo mpianatra

Sekoly IRAY IHANY ny SBBI, saingy misandrahatra amin’ny Faritra fito eto Madagasikara (7) ankehitriny :

• BOENY (ao Mahajanga),
• SOFIA (ao Mandritsara),
• ANALAMANGA (ao Antananarivo),
• BONGOLAVA-ITASY (ao Tsiroanomandidy),
• VAKINANKARATRA (ao Antsirabe),
• ATSINANANA (ao Mahatsara, commune Ilaka-Est, District Vatomandry),
• VATOVAVY FITO VINANY (ao Fianarantsoa).

Efa eo am-panatanterahana ireo dingana ho fananganana SBBI ho an’ny Faritra Alaotra-Mangoro ireo tompon’andraikitra, ary raha sitrapon’Andriamanitra dia ny volana janoary 2019 no hanomboka ny fanofanana ao.

(*) SBBI Mandritsara : 33 ny isan’ireo mpianatra nahavita ny fianarany tamin’ny Desambra 2017. Amin’ny Novambra 2018 no hiditra ireo andiany manaraka.

(**) Mpianatra andiany fahatelo hiditra ny 06 Novembra 2018

Ireo mpanofana

Ireto no mpanofana eo anivon’ny SBBI

1. Ireo mpitandrina nahavita fianarana tao amin’ny Seminera,
2. ireo mpampianatra ao amin’ny Seminera,
3. ireo olona izay manana fahalalàna manokana amin’ny taranja iray (ohatra : taranja malagasy, serasera , …).

Afaka ho mpanofana avokoa na lehilahy na vehivavy rehefa mahafeno ireo fepetra takian’ny Sekoly.

Programam-pampianarana

Manaraka ny Programme Minimum Commun (PMC) diangana voalohany nofaritan’ny Conseil des Institutions Théologiques d’Afrique Francophone (CITAF) ny SBBI. Raha manatanteraka fianarana isan’andro (toy ny any amin’ny SBBI Mahatsara) dia telo taona no hamitana io programa io. Enina taona kosa no hamitana izany ho an’ireo sekoly tsy mianatra isan’andro.

Taona Voalohany

TAONA VOALOHANY
SOKAJIN-TARANJA	MARIKA	TARANJA	ORA
Fomba fianatra	MT01	Fomba fianatra mahomby	20
Fahalalàna ara-Baiboly & Fandalinana ireo boky ao amin’ny Baiboly	BB01	Tontolon’ny Baiboly	40
	BB02	Fampidirana ankapobeny ny Testamenta Taloha	40
	BB03	Pentatioka	60
	BB09	Fampidirana ankapobeny ny Testamenta Vaovao	40
	BB10	Ireo Filazantsara	60
Foto-pampianarana 1	DC01	Tsindrimandry sy fahefan’ny Soratra Masina	40
Pratika	TP01	Fomba fitorian-teny 1	40
	TP02	Litorjia sy mozika	30
	TP03	Fiangonana syny asa fampandrosoana	60
Tantara	HS01	Tantaran’ny Fiangonana kristiana	40
Fahalalàna ankapobeny	GE01	Tantara sy Jeografian’i Madagasikara)	60
	GE02	Malagasy	60
		TOTALY TAONA VOALOHANY	590

Taona Faharoa

TAONA VOALOHANY
SOKAJIN-TARANJA	MARIKA	TARANJA	ORA
Fandalinana ireo boky ao amin’ny Baiboly	BB04	Ireo boky tantara 1 : Josoa hatramin’ny -2 Samoela	40
	BB05	Ireo boky tantara 2 – 1Mpanjaka hatramin’ny Estera	50
	BB06	Boky tonokalosy boky fahendrena (Joba hatramin’ny Tononkiran’i Solomona)	60
	BB11	Asan’ny Apostoly	20
	BB12	Epistily : Romana hatramin’ny Tesaloniana	60
Foto-pampianarana 2	DC07	Ny olombelona araky ny Baiboly	10
	DC08	Ota sy famonjena	30
	DC09	Ny Fiangonana	30
	DC10	Ireo zavatra hitranga any am-parany	20
	TP04	Asa fitandremana	60
Pratika	TP05	Fomba fitorian-teny 2	30
	TP06	Fitantanan-draharaha eo anivon’ny fiangonana)	40
	TP07	Fomba fandinihana Soratra Masina	40
	TP08	Fitondran-tena kristiana	40
	TP09	Fisorohana ny VIH/SIDA	30
Sekta	SC01	Ireo Sekta sy ireo hetsika synkretika	30
Fahalalànaankapobeny	GE03	Literatiora am-bava malagasy	40
		TOTALY TAONA FAHAROA	630

Taona Fahatelo

TAONA VOALOHANY
SOKAJIN-TARANJA	MARIKA	TARANJA	ORA
Fandalinana ireo boky ao amin’ny Baiboly	BB07	Fampidirana amin’ny Faminaniana sy ireo MpaminanyLehibe	60
	BB08	Mpaminany kely	50
	BB13	Epistily pastôraly (1Timoty hatramin’ny Titosy)	20
	BB14	Epistily ho an’ny Hebreo	20
	BB15	Epistilin’i Jakoba hatramin’ny Epistilin’i Joda	20
	BB16	Apokalipsy	30
Foto-pampianarana 3	DC02	Andriamanitra sy ny Trinite	20
	DC03	Momba an’i Jesosy Kristy	30
	DC04	Ny Fanahy Masina	20
	DC05	Ny Famoronana	10
	DC06	Momba ireo anjely sy demonia	10
Misiona	MS01	Asa misiona sy Fitoriana ny Filazantsara	40
	MS02	Ny olombelona sy ny tontolony	30
	MS03	Ny Fivavahana Silamo	30
	MS04	Fivavahana nentin-drazana afrikana sy malagasy	30
Pratika	TP10	Fitaizana ireo mpino	40
	TP11	Fomba fanampiana olona	30
	TP12	Ny andraikitry ny fiangonana amin’ny fiatrehana nyVIH/SIDA	30
	TP13	Famoahana ny hevitry ny Soratra Masina(herméneutique)	40
	TP14	Fiarovana ny finoana (apologétique)	20
Fanaovam-pianatra	DT01	TEN-RTF : Fanaovana ho mpianatr’i Kristy	40
		TOTALY TAONAFAHATELO	620
		TOTALIBE	1840

Fotoam-pianarana

Sekoly manatona fiangonana ny SBBI. Noho izany dia ireo mpianatra eo amin’ny faritra no mametraka izay fotoana ahafahan’izy ireo, dia anjaran’ireo mpampianatra no midina any an-toerana manatanteraka ny fampiofanana.

Toy izao ny fotoam-pianaran’ireo SBBI efa miorina:

• BOENY (ao Mahajanga) : mianatra tapak’andro hariva roa herinandro isaky ny roa volana,
• SOFIA (ao Mandritsara) : mianatra 8 herinandro isan-taona ka 4 herinandro volana Jona ary 4 herinandro ny volana ôktobra- Novambra
• ANALAMANGA (ao Antananarivo) : mianatra isaky ny Sabotsy maraina (8ora maraina hatramin’ny-1 ora tolakandro),
• BONGOLAVA-ITASY (ao Tsiroanomandidy) : mianatra 8 herinandro isan-taona ka 4 herinandro ny volana Martsa-Aprily ary 4 herinandro ny volana Jolay ;
• VAKINANKARATRA (ao Antsirabe) : mianatra isaky ny sabotsy maraina aminn’y 8 ora maraina hatramin’ny 2 ora hariva,
• ATSINANANA (ao Mahatsara, commune Ilaka-Est, District Vatomandry) : mianatra isanandro, sivy volana isan-taona mandritra ny telo taona,
• VATOVAVY FITO VINANY (ao Fianarantsoa) : mianatra mandritra ny roa herinandro, in-telo isan-taona.

Fepetra andraisana mpianatra

Afaka mianatra avokoa na lahy na vavy rehefa mahafeno ireto fepetra manaraka ireto :

• Teraka indray ;
• Efa nanana fiainam-piangonana nandritra ny telo taona farafahakeliny ary manompo eo anivon’ny fiangonana;
• Manana mari-pahaizana BEPC farafahakeliny;
• Vonona handray anjara amin’ireo fandaniana ilaina mandritra ny fianarana –(frais, polycôpes, boky, sakafo, …)
• Mitondra taratasy fanolorana avy amin’ny fiangonana niaviany.

Toy ny ao amin’ny Seminera Batista Biblika ao Antsirabe, dia afaka mandray mpianatra avy amin’ny antokom-pinoana hafa koa ny SBBI. Miankina amin’ny vokatry ny fifampiresahana manokana (entretien) atao amin’izy ireny kosa ny mety handraisana azy na tsia.

Nahoana no tokony hianatra rehefa manompo eo anivon’ny Fiangonana?

“Fa ianareo kosa, ry malala, dia ataovy izay handrosoanareo amin’ny finoanareo masina indrindra, ka mivavaha ao amin’ny Fanahy Masina;” (Joda 20)

“Raha dombo ny famaky ka tsy asaina, dia tsy maintsy mampiasa bebe kokoa ny herin-tena ny mpikapa. Ny fahendrena mankono fomba tsara indrindra hahombiazana.” (Mpitoriteny 10:10 DIEM)

Izay andrasana amin’ireo Fiangonana Batista rehetra

1- Mijery ireo olona nantsoin’ny Tompo sy nomena fanomezam-pahasoavana amin’ny fizarana ny Teniny, dia mandefa ireny hianatra.

2- Manohana ireo olona nalefa amin’ny lafiny rehetra: vavaka, torohevitra, fitaovana, enti-manana, sns mba hahavitana ny fianarana.

3- Manohana ny Sekoly: vavaka, asa atao, fanomezana (vokatra, fitaovana,  vola, sns …)

Filan-kevitra

Azonao atao ny manatona ny Talem-paritra eo amin’izay SBBI akaiky anao:

• MAHAJANGA: Pasteur RATOVOHERY Marson (FBB Mahabibokely Mahajanga)
• MANDRITSARA: Pasteur RANIVOSON Julien (FBB Antanantsimihety Mandritsara),
• ANALAMANGA : Pasteur RASOLONJATOVO Célestin (FBB Ankadifotsy Antananarivo
• BONGOLAVA-ITASY : Pasteur RAMALANJAONA Prosper (FBB Ivandry, Antananarivo),
• VAKINANKARATRA : Pasteur ANDRIANJATOVO Yves (FBB Tefiso Antsirabe),
• MAHATSARA :Pasteur RALAMBONDRAINY Willy  (FBB Tsarahonenana Moramanga),
• FIANARANTSOA : Pasteur RAKOTOARIVOELO Charles (FBB Ankofafa Fianarantsoa).

Vaovao

Oktobra-Novambra 2018: Fidiran’ny andiany faharoa ao amin’ny SBBI Mandratsara

Janoary 2019: Fanombohan’ny SBBI Alaotra-Mangoro ao Ambohibolakely

Aprily 2019: Recyclage ho an’ireo mpampianatry ny SBBI rehetra.